Cubampit Costa Ricampit khithanit irpirinakaw Evo Morales Jilïr Irpirimp uñt'ayasiwiyapxi

Imagen

Jamuqa: UCP

Cubampit Costa Ricampit Boliviar khithanit irpirinakaw Evo Morales Jilïr Irpirirux uñt’ayasiñ laphinakap churawiyapxi. Marka Jach'a Utanw jupanakax jikisiwiyapxi, Chukiyawuna. Tata Diego Paryx ukankawiyarakiwa, jupax Anqa Markanakamp Aruskipir Kamanarakiwa.

Cubatx tata Carlos Zamora Rodríguezaw purini. Jupaw nayraqatx tata Moralesamp jikisiwiyi. Ukxarux tata Guillermo Rodríguez Romerow mantawiyaraki, jupaw Costa Ricat markasar khithanit irpirixa. Niyak jikisiñ tukuyatatx paypach markan q’uchup q’uchuwiyapxaraki.

Tata Zamorax 1943 maranw yuriwiyi, Oriente Jach’a Yatiqañ Utanw qullqichäwxat yatxatawiyi. Niya pusi tunk maraw Cuban Anqa Markanakamp Aruskipañ Kamana Utapanx irnaqxi.

Tata Rodríguezax Suretka markan yuriwiyi, Bribri marka uraqina. Kamachinakat yatxatatawa, juk’ampis yapuchañ kamachinakampit Pachamama arxatañ kamachinakampita. Niya pusi tunk mara jilaw uka markar jan khithin apnaqañapatak sartasiñ yanapatayna ukhamarakiw uraq arxatañsa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156