Tata Moralesax yatiyirinakan jan inak kamachinakxat yatiyapxañapatakiw mä kamach rixt'awiyi

Imagen

Evo Morales Jilïr Irpirix 1197 Kamach jichhürux Chukiyawun rixt'awiyi (Jamuqa: UCP)

Evo Morales Jilïr Irpirix 1197 Kamach jichhürux Chukiyawun rixt’awiyi, uka kamachix yatiyirinakan jan inak kamachinakxat chillpanak yatiyapxañapatakiwa. Yatiyirinakax ukham rixt’ir uñjawiyapxarakiwa, Marka Jach’a Utan jikthaptawiyapxi.

Uka kamachimpix yatiyirinakax munapki ukjaw yaqhip markachirinakar yanapki uka kamachinakxat yatiyxapxani, ukaw amtaxa. Ukhamïpanx, rayruns qillqatanakans uñtañanakans ukhamaw kamachinakat yatiyañax apnaqatäxani.

548 Kamachis mayjt’ayatäxarakiniwa, wawanakampir maxt’a q’axunakampir arxatki uka kamachi. Jichhax yatiyirinakax munapki ukjaw inak markachirinakar amuyt’ayañatak ukxat yatiyxapxani.

“Anchhat uksarux munkañän ukjaw yatiyatäni. Taqiniw aynacht’ayat jikxatasipki jupanakar arxatir kamachinakxatx yatiyañätan. Aka machaq kamachimpix ukham yatiyäwinakax yatiyatapinïniwa, ukhamarus munkañäni ukjawa, janiw mun jan munaxa” sasaw tata Moralesax arsuwiyi.

Markasanx markachirinakar yatiyasiñapaw munata, ukhamat jaqjam uñjasiñax juk’amp arxatatäni sasaw Jilïr Irpirix arsuwiyi.

“Jakañatakix yatiykipt’asiñax wali wakiskiriwa, jaqitakix ukhamaraki. Khusäñapawa, juk’amp khusa, yaticht’kiri, amuyt’aykiri, juk’ampis armt’at jikxatasipki uka markachirinakataki, pisin jakasirinakataki. Taqinin irnaqatasaw kikipat uñjasiñatakïñapa” sasaw Jilïr Irpirix sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156