Marka irpirinakax 26075 Jisk'a Kamachw Benin juk'amp uywachapxañapatak mayjt'ayawiyapxi

Imagen

29075 Jisk'a Kamach mayjt'ayawiyapxi (Jamuqa: UCP)

Evo Morales Jilïr Irpirix 3973 Jisk’a Kamach jichhürux uñt’ayawiyi, uka kamachix 26075 Jisk’a Kamachrak mayjt’ayi, ukanx quqanakat lawa apsuñatw arsuta, jichhax Beni uywachirinakan juk’amp uywachapxañapatakiw ukax mayjt’ayataraki.

“Janiw llakisipxatapatak jallallt’añ munktti jan ukax aka Jisk’a Kamach mayjt’ayañ departamenton qullqichirinakax p’iqicht’apxi ukatw jallallt’tha, juk’ampis uywachirinakaru. Markasar ist’asax nayax akham amuytha: janiw juk’amp yäqata departamentonakax utjkaspati, taqiniw kikipat yäqatäñasa” sasaw sawiyi.

3973 Jisk’a Kamachix 26075 Jisk’a Kamachin 5ïr artículop mayjt’ayi. Santa Cruz departamentompin Benimpinx yapuchañampitak uywachañampitakix quqanakax tinkuyatäspawa, maynin uraqipansa waljanin uraqipansa, ch’umi uraqinak jan tukjañ amtarjama, Autoridad de Fiscalización Control Social de Tierras ABT ukan amtat amtanakarjama, paypach departamenton uraq apnaqañ amtaparjama, jark’jas phichsusiñapas iyawsatarakiwa, utjki uka amtanakarjama, uraq apnaqañ amtax utjki ukhamarjama sasaw jichhür uñt’ayat kamachinx saraki.

“Qullqichäwin jiltatapax Bolivia markan saräwipäkaspas ukhamäxiwa, taqinirakiw ukham jiltaskañapatakikix uñjañasaraki” sasaw Jilïr Irpirix arsuwiyi.

Jutir phaxsiw Boliviatx Chinarux aychax aljatäxani, yaqhanakaw jiwasat alasiñ qalltasipki sasins sawiyarakiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156