Irpirinakar k'umirinakax chhijlläw jan walt'ayañ munapki ukw marka irpirinakax k'umiwiyapxi

Imagen

Manuel Canelas, Yatiyir Kamana (Jamuqa: BTV)

Irpirinakar k’umirinakax taypi sata phaxsit 20 uru saraqkipan chhijlläwix utjkan uk jan walt’ayañ munapki ukxatw jichhürux tata Manuel Canelax k’umiwiyi, jupax taqi irpirinaklantiw arsuwiyi, Yatiyir Kamanarakiwa.

Uka marka irpirinakar k’umirinakax jichhürux kayuk sartasipxani, Chhijllayir Uta irpirinakaruw irptañ jaytjapxam sasin sasipki.

“Ukham jichhax chhijlläw jan walt’ayañ munasipki (…) Chhijlläw apnaqir irpirinakaruw ch’amamp jan walt’ayañ munasipki, ukhamaw amuyata” sasaw tata Canelax arsuwiyi.

Santa Cruzanx, Victor Hugo Cardenasamp Óscar Ortizampiw kikipak jaqx jawsthapiwiyapxi; jan walt’ayirinakaw uñstawiyi, uka departamenton chhijlläw apnaqañ utw phichkatawiyapxi, yänak apsuwiyapxi ukhamarakiw ENTEL ukanx kikipak lurawiyapxaraki sasaw sawiyi.

“Aka marka apnaqañ munirinakax jan markar apnaqañ atisaw ukhamanak lurapxi, chhijir puriykiriwa, chhijlläw apnaqañ jan walt’ayi, marka apnaqasiñas jan walt’ayi, ukañkamax yaqhipax Chhijllayir Utan irnaqatap ch’amachapxi” sasaw sawiyi.

Awiya Yala Markanakan Tamapankirinakax (OEA) Chhijllayir Utankirinakaruw markas irpt’añ ch’amachapxatapat ch’amacht’awiyapxi sawiyiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156