Tata Moralesamp tata Putinampix tantachasiñ qalltxapxiwa

Imagen

Bolivia irpirimpin Rusia irpirimpin tantachasipxatapa (Jamuqa: Anqa Markanakamp Aruskipir Kamana uñt'ayata)

Evo Morales Jilïr Irpirisax, Vladímir Putin, Rusia irpirimpiw tantachasiñ qalltawiyi, jupanakax alakipasiñampit qullqichañampit phäñanakampit aruskipapxani sasaw Bolivian Anqa Markanakamp Aruskipir Kamanapax jichhürux yatiyawiyi.

“@evoespueblo, Bolivia irpirimp, Vladímir Putin, Rusia irpirimpix alakipasiñampit qullqichañampit phäñanakampit ch’amanchanakampit yatichäwimpit yaqhanakampit aruskipasipki” sasaw Twittetan yatiyawiyi.

2013 maratpachx, Bolivia irpirimp Rusia irpirimpix phisqha kutiw tantachasiwayxapxi. Qhipa kutix 2018 maranw tantachasiwiyapxi, ukanx pä lamar qutar purir siqititit aruskipawiyapxi, Pacífico lamar qutat Atlántico lamar qutar puriñataki, siqitit thakhix Bolivian utjaniwa, litiomp irnaqañxats aruskipawiyapxarakiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156