Evo Morales Jilïr Irpirix kunjams jan wali qullanak apnaqirinakarux kutjayata ukxat Austrian arsuwini, Grecia irpirinakakampix aruskiparakiniwa

Imagen

Jamuqa: El Comercio

Achuqa phaxsit 15 uru saraqkipanx, Evo Morales Jilïr Irpirix, Alexis Tsipras, Grecia irpirimpiw jikisini. Juk’amp alakipasiñ utjañapatak, Iwrupa markanakan visa jan markachirinakasar mayipxañapatakiw jupamp aruskipani. Paypach markan juk’amp sum apasipxañapatakis aruskipapxarakiniwa.

Janir Grecia irpirimp tantachaskasax Viena jach’a markanw jan wali qullanak apnaqirinakxat aruskipir taman tantachäwipar purini, Austria markaru. Ukanx kunjams Bolivianx jan wali qullanak apnaqirinakar kutjayata ukjxatw arst’ani. Juparux Mayacht’at Markanakan Tamapankirinakaw (kastill arunx ONU) uka tantachäwir sarañapatak jawillt’awiyapxi.

Uka tantachäwinkatatx, “Jilïr Irpirix Atenas jach’a markaruw sarani, ukanx wali jaya mar suyki ukampiw phuqhanini, Tsipras irpirimpiw tantachasini” sasaw tata Diego Paryx arsuwiyi, jupax Anqa Markanakamp Aruskipir Kamanarakiwa.

27, 28 urunakaw nayrïr phaxsix Iwrupankirinakamp Awiya Yalankirinakampix Santa Cruz jach’a markan tantachasiwiyapxi, EUROLAT sutimpiw uka tantachäwx uñt’apxaraki. Uka tantachäwinkirinakax kunjams jan wali qullanak apnaqirinakarux kutjayata, kunjams kukax apnaqata ukxatw marka irpirinakasarux arst’aniñap mayiwiyapxäna./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156