Tata Moralesax kunjams aksa markanakanx qamarinakat arxatasirinakax ch'amaniptasipki ukxat amuykipt'añ mayiwiyi

Imagen

Evo Morales Jilïr Irpiri (Jamuqa: UCP)

Evo Morales Jilïr Irpirix markachirinakaruw kunjams qamirinakat arxatasirinakax jiwas jak’a markanakanx apnaqasipki ukxat amuykipt’añ mayiwiyi, kunjams Fondo Monetario Internacional (FMI) ukankirinakax qamirinakat arxatasiñ amtanak ch’amachasipki ukxats ukhamaraki.

“Brasilanx, sapa simanaw yatichäwitak qullq irxatapxañapatak kayuk sartasiñax utji (…) Honduranx janiw yaqha markanakar mäkhipapkiti, jark’antapxiwa, FMI ukankirinakaw qullasiñamp yatichañamp yaqha jaqinakar aljkatañ mayisipki. Marka irpirinakax apnaqayasipxiwa, markachirinakax sartasipxarakiwa” sasaw Jilïr Irpirix Inka Wasin arsuwiyi, santa Cruzana.

Yatiyirinakax Awiya Yalampin Ispañampin 21 nayra irpiriw Awiya Yala Markanakan Tamap (OEA) irpirinakarux tata Evo Moralesan chhijllayasiñ munatap k’umipxañap mayiwiyapxi sasaw sasipki, sasaw arsuwiyi.

“Jupanakax t’aqhisiyir markampit sarapxan markanakasampich sarapxan ukw jiskht’asipxañapa” sasaw uka yatiyäwit arskasax sawiyi, uka nayra irpirinakax ch’amamp markanak apnaqirïpxänwa, palla pallanakampiw yanapayasipxäna sawiyiwa.

Kuns Kuntur Amta ukampix lurañ munapxäna, kunjams markx apnaqawiyapxi, kunats markachirinakat arxatasirinakarux nayra maranakax chhaqhtayawiyapxi ukanakxat jiskht’asipxañap jupanakar mayiwiyi.

“Jupanakax kawkits uñstapxi ukw jiskht’asipxañapa. Jilpachanix ch’amamp mark apnaqirïpxiwa, palla pallanakamp apnaqïpxiwa, Kutur Amtamp sarnaqirïpxiwa” sasaw Jilïr Irpirix sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156