Evox uñisisiñatakiw ch'amachaski, México irpirinakarux janiw ukhamäkaspati sasaw satäni sasaw Añezax sawiyi

Imagen

Jeanine Añez, Bolivia irpiri (Llika)

Evo Moralesarux Méxicon katuqapxi, jupax khayatpach Bolivia markachirinakar “jupan juk’amp jaya apnaqañapatak” ch’amachaniskakiwa sasaw jichhürux Jeanine Añez Jilïr Irpirix arsuwiyi. Yaqha Markanakamp Aruskipir Kamanasaw México irpirinakar jan ukhamäñapatak aruskipani sasaw sawiyi.

“Evo Moralesax arxatañatak katuqawiyapki ukatpachw taqi amtanak t’unjaski, jupax janiw taqinin uñjkat arskaspati. Jupax yaqha markan imaqasitawa, janiw taqinin uñjkat markachirinakar p’iq muyuyas arskaspati” sasaw sawiyi.

Moralesax yaqha markamp katuqañayasiñ amtanak phuqhpan, “luratapax mä p’inqawa” sawiyiwa.

“Méxicox tata Evo Moralesaruw katuqayasiñ amtanak phuqhayañapa, janiw markasarux jaya marka apnaqañ amtapamp p’iq muyuyankaspati. Luratapax chiqpachans wali p’inqawa” sasaw qhanancht’awiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156