Áñezax khithinakati sartasisipki jupanakampiw jan yänak pist'añapatak aruskipatäni sasaw sawiyi

Imagen

Jeanine Áñez Jilïr Irpirix yatiyirinakampiw tantachasiwiyi (Jamuqa: BTV)

Jeanine Áñez, Bolivia Jilïr Irpirix sartasisipki uka markachirinakampix yänak jan pist’añapatakiw aruskipatäni, juk’ampis phäñanak jan pist’añapataki sasaw jichhürux arsuwiyi.

“Pist’atx jank’akiw askichañ munapxtha (gasolina), thakhinak jark’antapki uka chiqanak yatiña, sartasipki uka markachirinakampiw aruskipañ munata” sasaw Jilïr Irpirix sawiyi.

Yacimientos Petrolíferos Fiscales Bolivianos (YPFB) phäña apañw phallayas jan walt’ayawiyapxi, jank’akiw jan walt’äwix Bolivia markachirinakar jan phäñax pist’añapatak askichañax munatäski sasaw qhanancht’awiyi.

“Aruskipañaw utjañapa, janiw pist’añax utjañapäkiti, janiw ukhamäsk ukax askïkaspati. Walja mayïwinakaw anchhax utji, askichañ munapxtha” sasaw Áñezax sawiyi.

Chikürkamaw Álvaro Claudio Callaúx kuna askichäws amuyt’ani, Phäñanak Apnaqir Kamana, sasaw sawiyi.

“Palla pallanakampix tantachasiwayxapxtwa, jupanakax jach’unakampiw thakhinak jark’antapki uka chiqanak jist’arapxañapatak irnaqasipki” sasaw sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156