Chhijlläwin jaquñatakix 8 k'atan markachirinakax qillqantayasipxaspa

Imagen

Mä markachirir BTV ukan qillqantkasa (Jamuqa: BTV)

Arriba Bolivia wakichäwinx qawqha pachans markachirinakax chhijlläwitak qillqantayasipxaspa ukaw uñt’ayawiyata, kimsaqallq k’atakiw munasi. Servicio de Registro Cívico (SERECÍ) ukankirinakax jank’ak qillqantayasinipxañapatakiw markachirinakar jawillt’awiyapxi, ukhamat qhipa urunakax jach’a siqinakax jan utjkaniti sasaw sawiyapxi.

Raquel Orozco, Arriba Bolivia wakichäw irptirix Bolivia TV ukanw markachirinakan uñjkat kimsaqallq k’atan qillqantayasiwiyi.

“Phisqha k’atat kimsaqallq k’atakamakiw qillqantawaytha. Janiw ch’amäkiti. Nänakax kurmürunakamp willkürunakamp samarañ urunakampiw 08:00 arumirjat 22 arumkam irnaqapxtha. Jan qhipa urunak siqisiskañatakix, markachirinakax jak’ankir qillqantañ utanakaruw qillqantayasir sarapxañapa” sasaw tata Diego Tejerinax arsuwiyi, jupax SERECÍ irpirirakiwa.

Uka pachparakiw, llamayu phaxsit 31 uru saraqkipanw qillqantañax qalltawiyata, wasürkamax 60.270 markachiriruw qillqantawiyata, jupanak taypinx 34.106 markachiriw yaqha utar jakir sarxapxatapat qillqantayasipxi, 26.164 markachiriw nayrir kuti chhijlläwin jaquñatak qillqantayasiwiyapxaraki.

“Jaqi chimpukiw apasiña, janiw yaqha laphix apasiñäkiti” sasaw sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156