Tata Moralesax khithinakati notariöñatak yant'asiwiyapki jupanakaruw jallallt'awiyi

Imagen

Arxatirinakax yant'asisipkiwa (Jamuqa: Llikat apsuta)

Evo Morales Jilïr Irpirix khithinakati notariöñatak yant’asiwiyapki uka kamachimp arxatirinakaruw Twitteran jallallt’awiyi, 363 atipiriw utjani, jupanakax jisk’a markanakanw irnaqapxani.

“1.844 arxatiriruw aruntt’añ muntha, khithinakati @MinJusticiaBol ukan taqin uñjkat yant’asiwiyapki jupanakaru, 363 natotariow municipionakatak jisk’a markanakatak jupanak taypitx utjani. Suma Qamañatakiw kamachirjam uñjañ amtapxtha” sasaw @evoespueblo ukanx qillqt’awiyi.

Wasüruw yant’asiwiyapxi, Tata Hector Arcex 1.844 yant’asir taypinx 52% warmiw utji, 48% chachäpxaraki sasaw qhanancht’awiyi.

Kimsa kast yant’äwiw utjawiyi, sapa mayanx 100 jiskht’äw utjäna, jach’a yatiqañ utanakanw kunas jiskht’asini ukx amtawiyapxaraki.

Jan kuna jan walt’äw utjañapatakix Taripäw Uñjañ Kamana Utan irnaqirinakamp Taripirinakar Uñjañ Utan irnaqirinakamp AGETIC ukankirinakamp SERECI ukankirinakamp jaqi chimpunak churirinakamp jach’unakampiw llätunka jach’a yatiqañ utar uñjir puriwiyapxi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156