Alberto Zeballos taripirirux janiw taripayatäkaniti sasaw tata Canelax sawiyi

Imagen

Tata Sergio Choquex arsuwayki ukxatw tata Canelax arsuwiyi / Jamuqa: Yatiyañ Kamanan uñt'ayata

Tata Sergio Choquex Alberto Zeballos taripirirux taripayatäniwa sasin arsuwayki ukax janiw Movimiento Al Socialismon (MAS) amuyupäkiti, janirakiw marka irpirinakansa sasaw tata Manuel Canelax jichhür arsuwiyi, jupax Yatiyir Kamanarakiwa.

Tata Zeballox Santa Cruzan taripi, juparux janiw taripayatäkaniti sasaw tata Canelax sawiyi. Tata Zeballox tata Evo Moralesax janiw chhijlläwinkkaspati, Tayka Kamach Phuqhpan sasin mayiwiyapki ukw taripañ iyawsawiyi, jupax irpirinakar yaqhip k’umirinakan mayitapw ukham iyawsawiyaraki.

“Alberto Zeballos taripirirux janiw kunas taripayatäkaniti. Sergio Choque diputadox janiw taman arups  marka irpirinakan arups uñt’aykiti” sasaw Twitteranx tata Canelax arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156