Evox janiw Vaticanon qullqx imaskiti sasaw Juárez tatakurax arsuwiyi

Imagen

Jesús Juárez tatakura (Jamuqa: Llika)

Evo Morales Jilïr Irpirix janiw Vaticanon qullqx imaskiti sasaw Jesús Juárez tatakurax jan wali arsutanakxatx qhanancht’awiyi.

“K’ariwa, ukham yatipxtha. Uka diáconox janiw katulik yupaychasirïkiti” sasaw tata Juárezax arsuwiyi.

Aruskipañ llikanx, María Elena Montenegrow Jilïr Irpirix 325 waranq waranq euro qullqw Vaticanon imasi sasakiw arsuwiyi, jupax Comité de Defensa de la Democracia (CONADE) ukankirirakiwa. Ukham ist’asaw jichhax qhananchasipkaraki.

Tata Juárezax markachirinakaruw aruskipañ llikan uñjapki ukxat sum amuyt’asipxañapatak iwxt’awiyi.

“Amuyasiñawa. Sallqantapxirismawa. K’arisitw chiqäkaspas ukham iyawsayañ munapxi” sasaw tata Juárezax sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156