Jaquyirinakaw jurpürux chhijlläw irptapxani

Imagen

Akhamaw jaquña sasaw qhanancht'asipki (Jamuqa: BTV)

Jurpürux kunjamas chhijlläwix sartayatäni, kuns jaquyirinakax lurapxani ukxatw mama Florencia Larutax wasärmax arsuwiyi, jupax Chukiyawu Chhijllayir Uta irpirirakiwa.

“Jaquyirinakaw ukürux chhijlläw sartayapxani. Taypi sata phaxsit 20 uru saraqkipanx, jaquyirinakaw Bolivia markachirinakan jaqutapx taqin uñjkat apanaqapxani” sasaw sawiyi.

Jurpürux jaquyirinakaw “sapa jaquñ chiqanx irpirïpxi, jupanakax Chhijllayir Marka Utan irnaqirïpkaspas ukhamawa” sasaw arsuwiyi.

Jan jaquyir sarapkan uka jila kullakanakax 840 waranq churapxani, “mun jan munaw ukham luraña, lurañasawa”, ukhamaw Chhijllayir Marka Utan amtanakaparjamax phuqhaña sasaw sawiyi.

Yamakis jaquyapkan uka markachirinakarux “45 waranqaw payllatäni, irnaqapki taqi uka chiqanakanw jupanakarux qhipürux jan irnaqayapxañapäkiti” sasaw qhanancht’awiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156