Allpaq Uma jan walt'äw uñstatapatx Mesamp Revillampix mayjt'ayasipxiwa

Imagen

Tata Mesamp tata Revillampix Allpaq Uma jan walt'äw utjatapatw mayjt'ayasiwiyapxi / Jamuqa: La Voz de Tarija

Allpaq Uman t’una alliqtatapatx kunayman jan walt’äwinakaw Chukiyawu alcaldíanx uñstawiyi: janiw jank’ak jan walt’äwx askichañ atiwiyapkiti, Fabián Siñanin warmipan TERSA ukankirinakar yanapatapat qullqix mayj apnaqat utjasmach ukaw uñstawiyi, Maricruz Medrano Strelli jupaw Fabián Siñanin warmipaxa, SOL.bo ukankirïpxiwa.

Carlos Mesamp Luis Revillampiw ukham utjatapatx mayjt’ayasiwiyapxi. “Tata Karlun amtatapx amuytwa, ukhamarux janiw jupjam lup’ktti” sasaw tata Edwin Herrerax arsuwiyi, jupax SOL.bo ukankiriwa, Chukiyawu departamento kamach luririwa. Siñanir juch jaquwiyapki ukatatx jank’akiw Mesax jupar CC tama irpirinak taypit jaqsuwiyi, “jan suma amuyump sarnaqataw ukaxa” sasaw ukham lurawiyi.

Allpaq uman t’unax waraqtawayki ukx janiw jank’x askichapkiti, chinuqa phaxsit 15 uru saraqkipanw ukhamax utjawiyi, Chukiyawurux sintpin jan walt’ayawiyi. Allpaq Uma qhilla pat apnaqirinakar jan kuns kamachañatakiy ukham jan askichapkaspäntixa, Siñanin warmipax ukan irnaqi ukata, ukhamjamawa.

SOL.bo irpirinakax Mesax ancha jank’akiw Siñanir jaqsuñ amtawiyi, jupax janiw juchanïkaspati sasaw sawiyapxi. Ukhamat jupanakax Mesamp mayjt’ayasit uñt’ayawiyapxi.

Siñanir CC taypit jaqsusax, Mesax “jan jupar k’umiykir jaqjam uñt’ayasiñatakiw jaqsuski” sañ muni sasaw mama Sonia Britox arsuwiyi, jupax MAS-IPSP ukankirirakiwa.

“Q’uma chhijllayasirjamaw uñt’ayasiñ muni, ukhamarus qullqi lunthatasirinakamp chikachasitawa. Jupa pachpaw nayrax kuns lurawiyi ukxat yatiyañapa” sawiyiwa.

“Tata Karlun amtatapx amuytwa, ukhamarux janiw jupjam lup’ktti” sasaw tata Edwin Herrerax arsuwiyi,. Tata Mesan Chukiyawur puriniñap suyt’apxäxa, ukjaw tata Siñanxat aruskipapxäxa, “akhamanakax jikisisaw aruskipaña” sasaw sawiyi./RAR

“Comunidad Ciudadana tamankirinakaruw t’aqanuqañ munapxitu, janiw t’aqanuqapkitaniti” sasakiw sawiyaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156