Markasax pä patak mara phuqhkan ukjatakix taqi chiqanw jakäw sumaptayañax munata

Imagen

Jilïr Irpirix CODECAM ukankirinakampiw tantachasiski / Jamuqa: Diego Valero

Evo Morales Jilïr Irpirix kunayman departamentonw markachirinakan irpirinakapamp tantachasiski. Jichhax Chuqi Chakankirinakampiw tantachasiwiyi. Jupanakampix mara t’aqa phaxsit 1, 2 urunak saraqkipan jikthaptañatakiw amtawiyapxi, ukanx kunjams markasax pä patak mara phuqhkan ukjakamax irnaqatäni ukxatw aruskipapxani.

Sapa departamento markachirinakamp tantachasiñax “2025 maratak amtanakax utjkistu uk ch’amachañatakiw askïni, ukaw Bolivia markarux juk’ampis uñt’ayatäni, ukhamarus taqi municipionakamp departamentonakampiw ukankapxañapa” sasaw tata Iván Arciénagax arsuwiyi, jupax Sucre alcalderakiwa.

Jutir chhijlläwitakiw marka apnaqañ amtanakax amuyt’atäni, ukatw taqi municipio irpirinakar amuyunakax mayitäni, kawkïrinakay markachirinakan askipatakix wakischi ukanaka.

“Chuqi Chakanx mä jach’a jikhtaptäwiw utjani, ukanx 29 alcaldemp markachirinakan irpirinakapamp yapuchirinakamp yatxatatanakamp qullqichirinakamp yaqhanakampiw jikxatasipxani” sasaw tata Cesar Navarrox arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156