Bolivianx jisk'a markanakan jaqutaw suyatäski

Imagen

Movimiento Al Socialismox (MAS) chhijlläw atipt’awiyiwa, ukhamarus Evo Morales Jilïr Irpirix janiraw aka chhijlläwinx mayamp irptañapatak ajllit uñstkiti, ukatw jisk’a markanakan jaqut suyasipki.

“Nayrïr yatiyäwinakax utjiwa, ukx amuyapxtwa, jisk’a markanakan jaqut suyasipktha. 2002 maranx, nayrïr kuti chhijlläwinkkayät ukjax, walja departamentonw atipatjam uñstapxayäta, ukw amttha. Willka kuti phaxsinx, khunünwa. Jisk’a markanakat jaqut puriyanipxäna, P’utuxsinx nayrankapxayätwa, Uru Urunx nayrankapxayätwa” sasaw tata Moralesax wasärmax arsuwiyi.

Ukatw taqit qhipa purir jaqüwix suyaña, ukampiw jakäwx mayjt’ayaskakiñäni sawiyiwa.

Khithiti 50% jaqüwit jilan uñstki jupaw Bolivian Chhijllañ Kamachiparjamax Jilïr Irpirïspa jan ukax 40% ukjat jilani, payïr chiqankirirux 10% ukjat atipirïspawa.

Sistema de Transmisión Rápida y Segura de Actas del Tribunal Supremo Electoral (TSE) ukaw jakhthapiñatak utji. Ukanx Movimiento al Socialismow (MAS) 45,71% jaqutani, Comunidad Ciudadanax (CC) 37,84% ukjanirakiwa.

MAS ukankirinakax ukatw kusisisipki. Tata Moralesamp tata Carlos Romerompix akampix pusi kutiw chhijlläwix atipawiyata sasaw sawiyapxi.

Ukhamarus , neoliberal amtaninakax walpinw uksan aksan arsuwiyapxi, jupanakax mayamp jaquñaw munasini sasaw Bolivia markachirinakar sasipki.

Oscar Ortiz, Bolivia Dice No chhijllayasirix Santa Cruzanw tata Mesamp atipjayasiwiyi, uka amuyx Estados Unidow ch’amachawiyi, ukhamw tata Moralesax qhanancht’awiyi. Irpirinakar k’umirinakax markachirinakan p’iqichiripjamaw arsusipki.

Chhijlläwit nayraqat yatiyapki ukx amuyasipktwa, ukhamarus jisk’a markanakat purinkani ukampiw atipatäni, ukham amuyasipkaraktha sasaw tata Moralesax arkirinakapar Phichhantat Utan arxayawiyi.

Bolivianx kunayman kast uraqiw utji, yaqhip chiqatx jaqüwinak puriyañax ch’amawa.

Bolivia markachirinakax chhijlläwit jichhür aruskipasipki. MAS ukankirinakarux qullqichäw jiltayirinakjam uñt’apxi, jupanak irptasipkakispa ukax ukhamakïskaspawa sasaw sasipki.

Mayni chhijllayasirirux neoliberal amuyunjam uñt’apxaraki, Argentinanjam Chilenjam Ecuadoranjam jan walinak luraspa sasipkiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156