Anqa markanakanx chhijlläwisanx janiw jan walt'äwinakax utjawaykiti sasaw yatiyasipki

Imagen

Bolivia chhijlläwi (Jamuqa: BTV)

Anqa markanakanx Bolivia chhijlläwinx janiw jan walt’äwinakax utjawaykiti, walja markachirinakaw jaqur sarapxi sasaw yatiyasipki.

CNN, RT, La Voz de América, Prensa Latina ukankirinakamp yaqha yatiyirinakampiw janiw jan walt’äwinakax utjawaykiti sasin yatiyasipki.

“Chhijlläw urux walja markachiriw jaqur sarawiyapxi, janiw jan walt’äwinakax utjawaykiti. Chhijllayir Utankirinakax yatitäk ukhamaw chhijllasiwiyi” sasaw RT ukankirinakax yatiyawiyapxi.

Voz de Américax akham sasaw yatiyawiyi:

“Janiw thakhinakanx k’añaskunakax utjawaykiti. Jach’a aljañ utanakax jist’antatawa, cinenakax ukhamaraki. Ch’usa thakhinakanx qhathunakaw utji, ukanw jaqix sarnaqaski, juk’amp jayp’ux utjäwipankirinakampiw jikisipxani”

Yaqha yatiyirinakax uka pachprakik jan walt’äwinak Bolivia thakhinakampin jaquñ chiqanakampin jan utjatap yatiyawiyapxi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156