Ch'axwañatakiw Venezuelar yanapä sasipki sasaw tata Morelasax arsuwiyi

Imagen

Venezuelar yanapatax Troya qaqiljamawa sasaw tata Evo Moralesax arsuwiyi / Jamuqa: Perú 21

Estados Unidox Venezuela markachirinakaruw yanapapxä sasakiw palla pallanakamp mantañ munasipki, Awiya Yala markanakax janiw ukham lurañ ch’amachapkaspati sasaw Evo Morales Jilïr Irpirix arsuwiyi.

Estados Unidon Venezuela markachirinakar yanapañ munatapax “Troya qaqiljamaw” tukuspa, ch’amampiw ch’axwañatak mantañ munapxaspa sasaw sawiyi. Ukhamw jupax Twitteran arsuwiyi.

Yanapapxäw sasinx yatiyäwinakat uñstañ munapxi, Venezuelan qamirinakat arxatasirinakamp Donald Trumpamp yaqha markanakampiw ukham lurasipki, jupanakax palla pallanakampiw qhanpach mantaniñ munasipki, uraq manqhan utjki uka phäñanakw katuntasiñ munapxi sasaw mama Delcy Rodríguezax arsuwiyi, jupax Venezuela Sullka Irpirirakiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156