Evo Morales Jilïr Irpirix Bolivian yänakap yaqha jaqinakar aljkatawiyapki jupanakxat amuykipt'añ mayiwiyi

Imagen

Yaqha jaqinakar yänak aljkatasax 21.000 waranq waranq dolaraw markasar ñanqhachat utji

Yaqha jaqinakar yänakas aljkatawiyapki ukxat amuykipt’añ Jilïr Irpirix Twitteran taqi markachirinakar mayiwiyi, aljkatapkän uka pachax markasarux “sintpin ñanqhachawiyi” sasaw sawiyi.

“Capitalización Kamachin utt’ayasitapatx 25 maraw saraqawayxi, ukampiw Gonimp Cárdenasampix yaqha jaqinakar yänakas churawiyapxi. Qullqichir utanakasampir markasampirux kunjams ukham lurapxatapax jan walt’ayawiyi ukxatw amuykipt’añ mayipsma” sasaw qillqt’atayna.

Samuel Doria Medinax Jaime Paz Zamoran yanapiripänwa, jupax kunjams Jach’a Taripañ Utasankirinakax uka aljkatat jan munirinakan mayitap janiw sawiyapxäna ukatw kusisiwiyäna, “markasan amtapar yäqañawa” sasaw kusisiwiyäna.

Gonzalo Sánchez de Lozada, Jorge Quiroga, Jaime Paz Zamora, Carlos de Mesa, Víctor Hugo Cárdenas jupanakaw yaqha jaqinakar yänakas aljkatañx p’iqicht’awiyapxäna, qhipan jikxatasipki uka kimsanix jichhax mayamp chhijllayasiñ munasipki. Yacimientos Petrolíferos Fiscales Bolivianos, Empresa Nacional de Telecomunicaciones, Empresa Nacional de Electricidad, Lloyd Aéreo Boliviano, Empresa Nacional de Ferrocarriles, Empresa Nacional de Fundiciones ukanakw jupanakax alxkatawiyapxäna./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156