COB, CONALCAM ukankirinakax jan ch'axwas sartasiñatakiw markachirinakar jawillt'awiyapxi

Imagen

COB, CONALCAM irpirinaka (Jamuqa: Llika)

Markasar arxatañampitak 2019 Jach’a Chhijlläwin markachirinakax jaquwiyapki uk arxatañampitakix jan ch’axwas sartasiñäni sasaw Central Obrera Bolivianankirinakamp (COB) Coordinadora Nacional por el Cambionkirinakampix (CONALCAM) amtawiyapxi. Qharüruw jupanakax San Francisco palasan jikthaptapxani, Chukiyawu jach’a markana.

“Sartasiñatak wakt’ayasiñw amtawiyapxtha, markaspachan sartasiñataki, taypi sata phaxsit 23 uru saraqkipanw San Francisco palasan chikürükipan jikthaptatäni” sasaw sawiyapxi.

Transmisión de Resultados Electorales Preliminares (TREP) ukan jakhthapitarjamax Evo Morales Jilïr Irpiriw 46% jaqüwimp chhijlläwx atipawiyi, jupax Movimiento Al Socialismo Instrumento Político por la Soberanía de los Pueblos (MAS-IPSP) ukamp atipawiyi, ukhamarus irpirinakar k’umirinakax jan uka jakhthapit iyawsapxañap markachirinakar mayisipki, ukatw kunayman chiqan sartasiñ ch’amachasipki. Wasürux departamento chhijllayañ utanakanw jan walinak lurawiyapxi.

“Qamirinakamp yänakas aljkatirinakampiw uka jan wali luräwinakx jamasat ch’amachasipki, jupanakaw yaqhip comité cíviconkirinakarux qullq churasipki, qullqimp nuwasirinak achikasipki, qullqichirinakaw irnaqirinakaparux jach’a tantachäwinakar markasan ch’axwañ utjañapatak irpasipki” sasaw yaqha qillqatanx saraki.

Carlos Mesax janir jaqüwinak jakhthapiñ tukuyaskipanw jakhthapitx yatiyawayxi, janiw jisk’a markanakan jaqutx yäqawaykiti. COB, CONALCAM ukankirinakax chhijlläwin amtatx arxatapxäwa sawiyapxiwa, jan walinak luririnakampir comité cíviconakankirinakampiruw qamirinakat arxatasirinakamp apnaqayasipxatapat k’umiwiyapxi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156