Carlos Mesan arsutapatw markasanx jan walt'äwinakax utjawiyi

Imagen

Comunidad Ciudadanankirinakax (CC) tata Carlos Mesan arsutapatw jan walinak lurawiyapxi. Kunayman departamentonw markasanx jan wali luratanakax utjawiyi.

Wasürux yatiyirinakamp aruskipkasaw tata Mesax markachirinakar sartasipxañapa, departamento chhijllayañ utanakar sarapxañap mayiwiyi.

“Comíté cíviconakampir CONADEmpir marka irptañ munir irpirinakampir Comunidad Ciudadanankirinakampiruw Chijllayañ Utampir departamento chhijllayañ utanakampir sarapxañap maytha” sasaw sawiyi.

Ukham ist’asaw arumax irpirinakar k’umir markachirinakax chijllayañ utanakan jan walinak lurawiyapxi, utanak kunw phichkatawiyapxi.

Kunayman yatiyäwinakanw jan wali luratanakamp ñuwjatanakamp uñt’ayawiyapxi.

P’utuxsinx chhijllayañ utwa phichhantawiyapxi, ukhamïpanx mä jaqiw payïr altus utatpach thuqhuqawiyi, anqanx uta phichhantirinakax aliqak uñch’ukiwiyapxi, yaqhipast jamuqasipkarakïnwa, yaqhanakax yänak apsusipkäna.

Chukiyawunx, Comunidad Ciudadanankirinakax warminakaruw pulliranïpxatapat nuwjawiyapxi.

Jichhürux wali arumirjatpach llikanx mayamp jawillt’äwinakax uñstawiyi, jan walinak lurañx munapxarakikiwa, janiw tata Mesan atipayasiñapx munapkiti./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156