MAS-IPSP ukax 500.000 jaqüwit jilampiw CC ukar atipaski

Imagen

Bolivia chhijlläwi (Jamuqa: Llika)

Movimiento Al Socialismo Instrumento Político por la Soberanía de los Pueblos (MAS-IPSP) ukax 500.000 jaqüwit jilampiw Comunidad Ciudadanar (CC) atipaski, Carlos Mesaru, ukhamaw Markaspachan Chhijllayir Utan jakhthapitanx uñstaraki. Aka phaxsiw 20 urükipan chhijlläwix utjawiyi.

Evo Morales Jilïr Irpirix yatiyirinakampiw aruskipt’awiyi. 2002 maranx chhijllayasiriyätwa, Gonzalo Sánchez de Lozadaw Carlos Mesamp chik atipawiyi, 42.000 jaqüwimpikiw Movimiento Al Socialismor (MAS) atipawiyi sasaw sawiyi.

“Janiw sartasiwiyapktti. 42.000 jaqüwitak atipayasiwiyapxtha. Aliqat nänakar jan atipayawiyapkituti. Janiw ukx jan iyawsawiyapktti. Janiw sartasiwiyapktti” sawiyiwa.

Nayra pachatpach sartasiwiyasaw Túpak Katarin “Nayaw jiwtxa. Nayxarust waranq waranqanakaw kutt’anipxani” sasin arsutapaw phuqhasiwiyi sasaw arsuwiyi.

“Jichhax waranq waranqäxtanwa, jaqüwinx waranq waranqätanwa, janiw arkirinakakixa, jakhthapitx yaxtapxtwa” sasaw sawiiy./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156