Qamarinakat arxatasirinakax jisk'achasaw chhijlläwin jaqutx jan walt'ayawiyapxi sasaw Jilïr Irpirix llakt'at arsuwiyi

Imagen

Irpirinakar k’umirinakax uñisis jisk’achasaw chhijlläwin jaqutx jan walt’ayawiyapxi sasaw jichhürux Evo Morales Jilïr Irpirix arsuwiyi.

“Yaqhip Bolivia marka apnaqañ munirinakax uñisisakiw sarnaqasipki, jisk’achasa, p’inqachasa (…) Jichhakam sartasiwayki ukxarux janiw kutt’atäkaspati, ukxat amuykipt’añ maytha” sasaw Jilïr irpirix Marka Jach’a Utan arsuwiyi.

Jisk’a markanakan jaqutanak jan yäqañ munañax uka markachirinakar jisk’achañawa, qamirinakat arxatasirinakaw ukhamx aka chhijlläwin lurawiyapxi sawiyiwa.

“Taqit pisin jakasirin jaqüwip jan yäqañ munasax jisk’achasiñaw utji, janch uñaqas jisk’achaña. Akham luratanakx k’umipxtwa” sasaw tata Moralesax arsuwiyi.

Markas apnaqañ mantawayktha ukjatpachx markasar mayacht’asaw apnaqawaytha, qamirinakan jan pisin jakasirinakat sipans juk’amp qullqinïpxañapatakiw irnaqawiyata, ukanakaw jach’a amtanakaxa sasaw sawiyi.

“Jank’akiw Tayka Kamachirjam Boliviar mayacht’awiyata, sinti pisin jakasirinak juk’aqtawiyapxtha, mä utjäwimp yaqha utjäwimp jan sinti mayj mayj jakapxañapatakiw irnaqawiyapxtha. Uka amtanakampipiniw irnaqatäni” sasaw sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156