Mama Sonia Britox irpirinakar k'umirinakaruw irptañ amtanakap wakt'ayapxañap mayiwiyi

Imagen

Mama Sonia Britox irpirinakar k'umirinakaruw arxayawiyi / Jamuqa: Urgente.bo

Mama Sonia Britox irpirinakar k’umirinakaruw arxayawiyi, jupax MAS-IPSP ukan kamach luriripawa. Evo Morales Jilïr Irpirin arsutap ist’añlantix irptañ amtanakap wakicht’asipkaspa sasaw sawiyi.

“Jupanakat llakisisipkpan, janiw Morales Jilïr Irpirin arsutapatxa, amtanakap wakt’ayañ qalltapxpan, irptañ amtanakapa, qullqichañ amtanakapa, dolarampit qullqichäw apnaqapxan uka” sasaw jupax arsuwiyi.

Ukhamw mama Britox irpirinakar k’umirinakan arsutap jaysawiyi, tata Evo Moralesax qhipa kutw chhijllayasxäxa sasin sawayki ukxat arsupxatapa. Tata irpirix khust’at irnaqawiyi, markasan qullqichäwip mayjt’ayawiyi.

Nayax janiw MAS ukan arup uñt’ayirïktti, irpirinakax sum irnaqawiyapxi, Bolivian qullqichäwip mayjt’ayawiyapxi ukhamarakiw markachirinakamp chikas yaqha amtanak sartayawiyapxi sasaw jupax yatiyirinakan jiskht’atax sawiyi.

“Bolivia markachirinakar mayamp yäqaykir irpirinakanïtanwa. Markasax anqa markanakanx qullqichäw yäpar sartayatapata, pisin jakasirinakar yanapt’atapatx suma uñjatawa, jupanakaw jichhax irptapxi” sawiyiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156