Jilïr Irpirix alcaldíanakaruw jach'a markanak jiltayañ amta ch'amachañatak purini

Imagen

Evo Morales Jilïr Irpirix Chukiyawunw yatiyirinakamp aruskipaski (Jamuqa: UCP)

Evo Morales Jilïr Irpirix taqi Bolivia alcaldenakampiw tantachasïxa, jupanakampix kunjams jach’a markanakax jiltayatäni, kunjams t’unax apnaqatäni, kunjams jaqix q’ipnaqatäni, kunjams markachirinakar arxatatäni ukxat aruskipä sawiyiwa, qharüruw Qucha Pampan qalltapxani.

“Qharüruw alcaldenakakar tumpañ qalltä, kuna amtanakas utjaskistu uk yatiñataki ukhamarakiw kunjams markachirinakar arxatañataki, jaqi q’ipnaqañataki, servicio básiconak utjañapatak irnaqatäspa ukxat aruskipañatakisa, juk’ampis t’una apnaqañxata” sasaw Jilïr Irpirix arsuwiyi.

Nayrïr maranakax anqa markanakat khithanit irpirinakamp Bolivia yatxatatanakampiw kunjamäsktansa ukxat amuykipt’awiyapxatayna, ukarjamaw irnaqatärakïni sasaw qhanancht’awiyi.

“Amtanakax akat qhipar irnaqañatak utjchi ukax taqiniw phuqhapxañapa, janiw kuna tamankiris ukax uñaqatäkaniti. Jan uka amtax utjkistan ukax janiw aka jan walt’äw askichkañäniti. Alcaldenakan amtanak wakt’ayatax utjaspa ukaw munata” sasaw tata Moralesax arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156