Ñanqhachir qullanak apnaqirinakar katjañatakix irnaqatakïskaniwa sasaw tata Moralesax arsuwiyi

Imagen

Ñanqhachir qullanak katjata (Jamuqa: Llikat apsuta)

Evo Morales Jilïr Irpirix ñanqhachir qullanak apnaqirinakar katjañatakix irnaqatakïskaniwa sasaw jichhürux Twitteran qillqt’awiyi, Bolivian irnaqatapx uraqpachanw yäqapxi sasaw yamakis sawiyi. Jichhürux ñanqhachir qullanak apnaqirinakar katjañatak irnaqañ uruw uraqpachan amtata, ukatw jupax ukham arsuwiyaraki.

“Ñanqhachir Qullanak Apnaqirinakar Katjañ Uru uraqpachan amtkasax, ukham jan wali luririnakar katjañatak irnaqatakïskaniwa sasaw mayamp sawiyañ muntha. Jan khithimp apnaqayasis markachirinakamp chikt’at ñanqhachir qullanak apnaqirinakar kutjayañ amtasax anqa markanakans yäqatawa” sasaw Twitteran qillqt’awiyi.

1987 maran jallu qallta phaxsit 7 uru saraqkipanw, Mayacht’at Markanakan Tamapanx sapa mara t’aqa phaxsit 26 uru saraqkipan Ñanqhachir Qullanak Apnaqirinakar Katjañ Uru uraqpachan amtañ amtawiyapxäna, ukhamat markanakasan jan ñanqhachir qullanak utjañapatak ch’amachatäni sawiyapxänwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156