Morales Jilïr Irpirix Dignidad Paylläw 50 waranq irxatki uka kamachw rixt'awiyi

Imagen

Dignidad Paylläw irxatki uka kamach rixt'kasa (Jamuqa: UCP)

Evo Morales Jilïr Irpirix 1196 Kamachw rixt’awiyi, ukampix 50 waranq sapa phaxsix Dignidad Paylläwir irxatapxani. Anchhax markasanx waranq waranq jilïr jaqit jilaruw uka paylläwix churata.

“Aka kamach rixt’añax kusiskañawa, Dignidad Paylläwiw ukampix 50 waranq sapa phaxsix irxatata. Jilanaka kullakanakarux, jutir phaxsit uksarux irxatatäxaniwa sasaw sañ muntha” sasaw tata Moralesax Marka Jach’a Utan jilïr jaqinakarux arxayawiyi.

Uraq manqhat apsut phäñanak kutkatayasiwayxtan, qullqichir utanakas kutkatayasiwayxtan ukatw akham payllañax utji, yamakis qullqix markachirinakar yanapañatakiw kikipat jalanuqata sasaw jupa tata irpirix arsuwiyi.

Dignidad Paylläwix janiw Bonosoljamäkiti, janirakiw BoliVidjamäkisa, neoliberal irpirinakax janiw 2005 marat nayrax taqinir payllapkänti, jichhax waranq waranq jilïr jaqit jilaniruw payllatäxi sawiyiwa.

Dignidad Paylläwix janiw chhaqhtkaniti, utjaskakiniwa, uraq manqhat apsut phäñanak aljatampiw payllata, Bonosolamp BoliVidampix qullqichir utanakas aljatampiw payllatäna, ukax tukusirikïnwa.

“Mayitax phuqhatäxiwa, Wali munasiñamp yäqasiñampiw jilïr jaqinakatakix” aka kamachx rixt’awaytha sasaw sawiyi.

Dignidad Paylläwix jiwañkamaw Bolivia markachirinakarux payllata, khithinakati 60 marat jilanïpki jupanakaru, markasan jakasipki jupanakaru.

Jichhakamax 300 waranqaw jilïr jaqinakarux payllatäna, jutir phaxsit uksarux 350 waranq payllxapxani./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156