Iwrupankirinakampin Awiya Yalankirinakampin Tantachäwipax (EuroLat) Santa Cruzan qalltawayxiwa

Imagen

Santa Cruzanx EuroLat tantachäwix qalltawayxiwa /Jamuqa: BTV

Iwrupa markanakampin Awiya Yala markanakampin Tantachäwipax (EuroLat) Santa Cruz jach’a markan qalltawayxiwa, Fexpocruzana. Evo Morales Jilïr Irpirimp kamach luririnakan irpirinakapampix ukankawiyapxarakiwa.

Iwrupamp Awiya Yalamp sum apasipxañapatakiw uka tantachäwinx aruskipapxani, ukhamaw amtanakax utji. Walja markan p’iqicht’at sartañatakiw ukham tantachasisipki ukhamarakiw Pachan mayjt’atapampit jaqir jaqjam uñjañampit anqa markanakamp alakipasiñampit aruskipañatakisa.

EuroLat tantachäwinx kunayman markankirinakaw tantachasipxi, 150 tantachasiriw utji. PARLATINO (Parlamento Latinoamericano), PARLANDINO (Parlamento Andino), PARLACEN (Parlamento Centroamericano), PARLASUR  ukankirinak kunaw ukankapxi.

Tantachäw qalltayatatx tantachäw irptirinakaw jikist’apxani ukhamarakiw marka apnaqañampit jan walinakat tuwaqasiñampit jaqir jaqjam uñjañampit aruskipirinakas tantachasipxani./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156