Chhijllayir Utankirinakax taypi sata phaxsin utjkan uka chhijlläwitakix kunjamas irnaqatäni ukw uñt'ayawiyapxi

Imagen

Irnaqañ amtanak uñt'aykasa (Jamuqa: BTV)

Chhärminthix, Chhijllayir Utankirinakaw kunjams taypi sata phaxsit 20 uru saraqkipan utjkan uka chhijlläwitakix irnaqatäni uk uñt’ayawiyapxi ukhamarakiw llätunka chhijllayasir tamaw utji sasin mama María Eugenia Choquex yatiyawiyi, jupaw chhijllayirinakan p’iqichiripaxa.

Aka tamanakaw chhijlläwin katjasipxani: Movimiento Nacionalista Revolucionario (MNR), Virginio Lemaw Jilïr Irpirïñatak chhijllayasiñ muni, Fernando Untojaw Sullka Irpirïñatakixa; Partido Demócrata Cristiano (PDC), Jaime Zamoramp Paola Barrigampiw ukankapxi; Movimiento Al Socialismo Instrumento Político por la Soberanía de los Pueblos (MAS-IPSP), ukanx Evo Moralesamp Álvaro García Linerampiw jikxatasipxi; Unidad Cívica Solidaridad (UCS), Víctor Hugo Cárdenasamp Humberto Peinadompiw ukankapxaraki.

Uka pachparakiw Partido Acción Nacional Boliviano (PAN-BOL), Ruth Ninampin Leopoldo Chuimpin tamapa; Movimiento Tercer Sistema (MTS),  Félix Patzimpin Lucila Mendietampin tamapa; Comunidad Ciudadana (CC), Carlos Mesampin Gustavo Pedrazampina; Bolivia dice No, Óscar Ortizampin Edwin Rodríguezampin tamapa; Frente Para la Victoria, Franklin Rodríguezampin Faustino Challapampin tamapax chijlläwinkapxani.

Chhijlläwix sumaw apnaqatäni, 3.653 chiqanw jaqutäni, 118 jaquñ chiqaw 33 anqa markanakan utjarakini, ukanw anqa markanakan jikxatasipki uka Bolivia markachirinakax jaqupxani sasaw mama Choquex arsuwiyi.

Taypi sata phaxsit 20 uru saraqkipanx 130 diputadomp 36 senadoramp kunw markachirinakax ajllipxani.

Ajllit uñstapkan uka irpirinakax (gobernadoranakamp alcaldenakamp kamach luririnakampi) kimsa phaxsi nayraw chhijllayasiñ munirinakax irptañap jaytjapxañapa sasaw arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156