Anqa markanakatpach capitalización ukx ch'amachanipxäna sasaw Jilïr Irpirix amtayawiyi

Imagen

Gonzalo Sánchez de Lozada, Bolivia nayra irpiri (Jamuqa: BTV)

Evo Morales Jilïr Irpirix capitalización amtx neoliberal irpirinakaw apnaqapxäna, anqa markanakat ch’amachanipxäna sasaw jichhürux amtawiyi.

“Jichhürjamaw 1994 maranx Uraqin Qullqi Utapa irpirinakapax 15 waranq waranq ‘capitalizacionatak” mayt’añw iyaw sawiyapxi sasin yatiyirinakax yatiyapxäna, chiqas qullqichir utanakas aparapxistu, Sanchez de Lozadamp V. H. Cárdenakasamp apnaqapkipanx uraqin jikxataski uka yänakas aparapxistu. Ukham lurasaw Boliviax yänakap aparayasis manjasiwiyi” sasaw Twitteran arsuwiyi.

Uka pachparakiw, Jilïr Irpirix yaqhamp Twitteran qillqt’awiyi, Samuel Doria Medinax markasan yänakap yaqhanakar aljkatawiyi sasin sawiyi.

“Jichhürjamaw 1992 maranx, Samuel Doria Medinax Jaime Paz Zamoran (PDC ukamp chhijllayasiñ muniri) Irnaqañ Amtanak Wakt’ayiripäkasinx ‘khithiti juk’amp aljañ munki ukaruw aka qullqichañ amtamp juk’amp ch’amachaña’ sasin sawiyäna. Ukhamw yaqha jaqinakar yänak aljkatañ kamachx mun jan mun phuqhayawiyi, ukampix qullqichir utanakasx aljkatawiyapxi” sasaw qillqt’awiyi.

Jaime Paz Zamoraw nayraqatx Bolivian yänakap aljkatañ qalltawiyi. 34 qullqichir utwa aljantawiyi.

Markachirinakax janiw ukham lurasiñap munapkänti, Movimiento Nacionalista Revolucionariox (MNR) yaqha amtwa yänakas aljkatañatak Bolivian utt’ayawiyäna, capitalización sasaw sutichawiyäna. Ukampiw lusa qhana, aruskipaña, q’ipiña ukanakamp qullqichir utanakasx aljkatawiyapxäna.

1994 maran achuqa phaxsit 21 uru saraqkipanw capitalización kamachimpix irnaqañ qalltawiyapxäna./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156