Jilïr Irpirix Benin Pä Patak Mara Phuqhañ Amtap wakt'ayañatak tantachäw qalltayawiyi

Imagen

Evo Morales Jilïr Irpirix Tantachäw Trinidad jach'a markan qalltayaski (Jamuqa: BTV)

Evo Morales Jilïr Irpirix Benin Pä Patak Mara Phuqhañ Amtap wakt’ayañatak tantachäw Trinidad jach’a markan qalltayawiyi. Uka tantachäwinx kunayman amuyunakw markachirinakan p’iqichirinakapax 2025 marakam markas ch’amachañatakix apthapipxani.

Estados Unidonkirinakaw nayra irpirinakarux kamachinakamp irnaqañ amtanakampix kunjamänis ukx sapxäna; ukatw markasanx anqa markankirinakan askipatak irnaqatäna, ukhamarus jichhax markachirinakaw kunjams markx apnaqasiñäni ukx sisxapxi sasaw Jilïr Irpirix arsuwiyi.

“Mayj mayj amuyunak apnaqatas yäqasisaw taqi p’iqichirinakax departametotak mä wakichäw wakt’ayañätan, Beni jach’a yatiqañ utankirinakaruw juk’ampis aruntt’añ muntha, jupanakaw qullqichañ amtanakx apthapis askichkipapxani, janiw markachirinakatx armasipxañapäkiti” sasaw arsuwiyi.

Uka pachparakiw, Beninkirinakarux iwxt’awiyi. Juk’ampis qullqichañatak amtapxam ukhamarak kawkhanakans juk’amp pisin jakasirinakax utji ukxat amuyt’apxam sasaw sawiyi.

“Marka irptañ qalltapktha ukjax, Bolivianx 37% pisin jakasiriw utjäna, jichhast machaq amtanakampix 15% ukjakiw utjxi. Anqa markanakan uk yatisax muspharapxiwa, ukampirus 2025 maranx 5% pisin jakasirinakak utjañap muntxa” sasaw tata Moralesax arsuwiyi.

Uka tantachäwin utjkan uka amtanakx markaspachan amtap wakt’ayañatak tantachasipkani ukanw aruskipxapxarakini./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156