Tata Mesax janiw jaqüwinak uñakipasiñap munkiti sasaw Sullka Irpirix arsuwiyi

Imagen

Álvaro García Linera Sullka Irpirin arsutapa (Jamuqa: Sullka Irpirin uñt'ayata)

Carlos Mesa, Comunidad Ciudadana (CC) chhijllayasirix jupan munañapak lurasiñap muni, ukatw k’ari jaqüwinakaw utji sasin saski, janiw jaqüwinak uñakipasiñap munkiti sasaw Álvaro García Sullka Irpirix arsuwiyi.

“Markasax jiskht’asiñapawa ¿Kunats chhijllâwin atipayasiwiyi, k’ari jaqüwinakaw utji sasin jan jaqüwinak uñakipasip munki? (…) ¿Kuns axsart Carlos Mesa? Markan jaqüwipa. Jupax kuns imxataski, jupan munañapa” sasaw Sullka Irpirix arsuwiyi.

Mesax k’ari jaqüw utjat chiqpach qhananchasp ukax mayamp jaqüwinak jakhthapiñap munaspa sawiyiwa.

“Arsutapas yatiyqatapas k’ariwa. Amuyusatw phiskhasisipki, amuyt’assa. Yatiyatapax k’ariwa, ukatw jan uñakipasiñap munkiti” sasaw tata García Linerax arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156