Markachirinakax markas suma apnaqatapatw tata Evo Moralesar chhijllawiyapxi

Imagen

Markachirinakax Evo Morales Jilïr Irpiriruw ch'amacht'asipki (Jamuqa: Llika)

Markachirinakax 2020 marat 2025 marakam irptañapatakiw tata Evo Moralesar chhijllawiyapxi; jupax qullqichäw jan aynacht’aykiti, markasamp saräwisamp ch’amachi ukatw ukhama sasaw tata Álvaro García Linerax arsuwiyi, jupax markasan Sullka Irpiriparakiwa.

“Diputadonakax patak kimsa tunkaniwa (130), MAS (Movimiento Al Socialismo) ukax suxta tunk kimsaqallquniwa (68), jilpachax nänakankiwa; ukhamïpanx, MAS ukax janiw markaspachankkakiti, diputadonakapamp senadoranakapampix jilawa. Markachirinakax jan mayjt’añap munapxi, ukw sañ muni” sasaw yatiyirinakar sawiyi.

100% jaqüwiw jakhthapitäxi, Evo Morales Jilïr Irpiriw 47% jaqüwimp atipt’awiyi, Carlos Mesa, Comunidad Ciudadana (CC) chhijllayasirirux 10,57 jilat atipawiyi, ukatw nayrïr jaqüwin atipawiyi sasaw tata García Linerax sawiyi.

Irpirinakar k’umirinakax ch’amampiw jichhax sartasisipki, jisk’achasisaw sartasisipki, Carlos Mesaw ukham lurapxam sasin sixa, jupax nayrax qamirinakat arxatasipkäna jupanakampiw mayacht’asiwiyi, Bolivia markachirinakpur ch’axwayañ munaski sasaw Sullka Irpirix sawiyi. Janiw aka phaxsin 20 urupäkipan chhijlläwin atipayasitx iyawsañ munkiti sawiyiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156