Siria irpirix Evo Morales Jilïr Irpiriruw chhijlläwin atipatapat jallallt'awiyi

Imagen

Bashar Al-Assad, Siria irpiri (Jamuqa: Llika)

Siriat khithanit irpirix Evo Morales Jilïr irpiriruw aka phaxsix 20 urükipan chhijlläw 47,08% jaqüwimp atipatapat jichhür jallallt’awiyi.

“Siria markata khithanit irpirinakjamax Bolivian yaqkay consuladopankirinakaruw aruntt’añ muntha, akamp chikax Evo Morales Jilïr Irpirir jallallt’at puriyañ muntha, Bolivia marka Jilïr Irpiriru, tata Bashar Al-Assadaw apayani, Siria marka irpiri, mayamp chhijllat uñstatapata” sasaw qillqatanx saraki.

Aka irpirinakaw Evo Morales Jilïr Irpirirux atipatapat jallallt’awiyapxi: Manuel López Obrador, México irpiri, jupax Morales Jilïr Irpiriruw jawsañatak jallallt’awiyi, México markankirinakax Bolivia markankirinakamp mayacht’asiñ irnaqañ munapxtha sasaw sawiyi; Nicolás Maduro, Venezuela irpirimp, Miguel Díaz-Canel, Cuba irpirimp yaqha irpirinakampis Jilïr Irpiripar jallallt’awiyapxarakiwa.

Raúl Castro, Cuba nayra irpirimp, Alberto Fernández, Argentinan jichhak chhijllat irpirimp mama Cristina Fernándezampis irpirisar jallallt’anipxarakiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156