OEAx jaqüwinak uñakipas jakhthapkani ukaw yäqatäni sasaw tata Canelax arsuwiyi

Imagen

Jaquñ laphi (Jamuqa: Llika)

Tata Manuel Canelax Organización de Estados Americanos (OEA) ukankirinakax jaqüwinak uñakipas mayamp jakhthapipkani ukaw yäqatäni sasaw sawiyi, jupax Yatiyir Kamanarakiwa. Mayamp jaqusiñapaw sasin sapxan ukax jaqusiniwa sawiyiwa.

“(Evo Morales) Jilïr Irpirix qhanwa arsuwiyi, ukhamäniwa. Uñakipas sapkan ukaw jakhthapitjam yäqatäni. OEAx tukuykan ukjax ukaw jakhthapitjam yäqatäni, wakiski ukjakamaw ukax luratäni, jank’aki, ukhamat mayamp jaquñax wakisit janich ukax yatitäni” sasaw yatiyirinakamp aruskipkasax sawiyi.

Ukatwa Comunidad Ciudadanan (CC) Carlos Mesa chhijllayasiripar iyawsañap jan ukax janiw sañap mayisipki, OEAx uñakipas jakhthapkaspa uka ch’amachañapataki.

“Jichhax tata Mesax sum arspan, Cecilia Requena jichhak ajllit senadorapax arsuwayki ukhamarjama, ukaw suyt’aña” sasaw qhanancht’awiyi.

“Jan wali luratjam amuyañax chhijlläw jakhthapitankiwa. Uka jakhthapit uñakipañaw yäpar amtañaxa” sasaw tata Canelax arsuwiyi, khithinakati sartasipki jupanakaruw jan ch’axwapxañapatak mayiwiyi, Markaspachan Chhijllayir Utan irnaqatapax walikïskit janich ukwa uñakipasax yatxañäni” sasaw tata Canelax arsuwiyi./RAR

 


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156