Mesarux jaqüwinak uñakipañ ch'amachañap mayipxtha sasaw marka irpirinakax sawiyapxi

Imagen

Álvaro García Linera Sullka Irpirix Marka Jach'a Utanw yatiyirinakamp aruskipt'aski (Jamuqa: BTV)

Álvaro García Linera Sullka Irpirix, Carlos Mesa, Comunidad Ciudadana (CC) chhijllayasiriruw jaqüwinak uñakipañ ch’amachañap mayiwiyi. 

“Tata Carlos Mesaruw mayiñ munapxtha, Awiya Yala Markanakan Tamapankirinakax jaqüwinak uñakipapkan uk ch’amachpan, ukx Méxicomp Paraguayamp Perúmp yaqha markanakamp kunaw ch’amachapxani. Jank’ak iyawsas jaysanipxaspa ukw suyasipktha” sawiyiwa.

Tata Mesax jan walinak lurañatakiw ch’amachawiyi, markachirinakan jaqüwip jan yäqañ munkiti, janiw Bolivia markachirinakan amtap yäqañ munkiti, ukatw ukham Sullka Irpirix mayiwiyaraki.

Aka phaxsix 20 uru saraqkipanx, Bolivia markax Evo Morales Jilïr Irpiriruw 2020 marat 2025 marakam apnaqañapatak chhijllañ amtawiyi sasaw tata García Linerax arsuwiyi. Ukhamarus Mesax janiw uka chhijlläwin amtatx iyawsañ munkiti.

“Jaqüwiw mayjt’ayata, jan wali luratanakaw utji sasaw sawiyi. Ukatw nänakax qhana, jan payachasisa, markasar jan yaqha markanakamp apnaqayas sawiyapxtha, anqa markanakamp jaqüwinakax uñakipaspan. OEAmpir yaqha markanakampiruw atipjat chhijllayasirix jan wali amuyump jan walinak sawayki ukxat qhanancht’apxañapatak jawillt’apxtha” sasaw sawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156