Aka phisqha qhanancht'äwinakw anqa markankirinakax jaqüwinak uñakipapkani ukxatx yatiñama

Imagen

Chhijllayir Jach'a Utankirinakaw chhijlläwxat yatiyasipki (Jamuqa: Correo del Sur)

Tata Diego Paryx kunjams Bolivia irpirinakax Organización de Estados Americanos (OEA) ukankirinakamp chhijlläw jaqüwinak uñakipañatak mä amtar puriwiyapxi ukw qhanancht’awiyi, aka phaxsix 20 urükipan chhijlläwix utjawayki uka jaqüwinak uñakipañataki.

1. Bolivia irpirinakax kunay munaschi ukw jaqüwinak uñakipañatak churapxani; jakhthapitanakamp actanakamp chhijlläw laphinakamp yaqhanakampi ukhamarakiw jupanakarux jan walt’äwinakat arxatapxani.

2. Bolivian kuna chiqaruy mantañ munapxchini uka chiqanakaruw mantayatäni ukhamarakiw kuna yatiyäwinakxay mayipxchini ukas churatäni.

3. Uñakipirinakax janiw markasan apnaqasiñapx jan walt’ayapkaniti.

4. Uñakipirinakax OEA irpiriruw uñakipatx katuyapxani, tata Luis Almagroru, jupast Bolivia irpirinakaruw apayanxarakini.

5. Qharüruw jaqüwinak uñakipañax qalltatäni, taypi sata phaxsit 31 uru saraqkipana, uñakipirinakan jakhthapitaparjamaw phuqhatäni./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156