Qharüruw anqa markankirinakax jaqüwinak uñakipañ qalltapxani

Imagen

Diego Pary, Yaqha Markanakamp Aruskipir Kamanasax yatiyirinakampiw aruskipt'aski (Jamuqa: BTV)

Bolivia irpirinakax Organización de Estados Americanos (OEA) ukankirinakampiw  qharüru, taypi sata phaxsit 31 uru saraqkipan, jaqüwinak uñakipañ qalltañatak amtawiyapxi, yaqha markankirinakas purinipxarakiniwa.

OEAnkirinakamp Bolivia irpirinakampix aka phaxsix 20 urükipan chhijlläwix utjawayki ukan jaqutanak uñakipañatakiw laphinak rixt’apxäxa sasaw tata Diego Paryx arsuwiyi, jupax Yaqha Markanakamp Aruskipir Kamanasarakiwa.

OEAtx kimsa tunkaniw jichhürump qharürump purinipxani, jupanakaw jaqüwinakx uñakipañ qalltapxani.

“Jak’ankir markanakaruw jawillt’apxtha, Awiya Yalankirinakaru, jan aksa uraqinkirinakaru, jupanakaw uñakipañx yanapapxistani. Méxiconkirinakamp Paraguayankirinakamp Españankirinakampiw jutapxani” sasaw tata Paryx arsuwiyi.

Uñakipatatx kunti sapkan ukaw phuqhatäni sasaw qillqatanx saraki. Uñakipirinakax OEAnkirinakaruw uñakipatapx apayapxani, OEAnkirinakax yatitäki ukhamarjamaw ukx Boliviar apayanxapxarakini./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156