main

Santa Cruz Chiqatak Wakiyäwi

Santa Cruz Wakiyäw Apaqaña

"Uñacht’ayat Juk’amp Ayllunakampir Markachirinakatak Askïk Uka Chiqanakampir Puriyañatak, Santa Cruzan 7ür Kanal Utjañapatak Amuyt’aña ukhamarak Utt’ayaña" Wakiyäwi

Apnaqäw, luräw, qullqichäw uñakipañ thakhinak phuqhasa ukhamarak Suyu Irnaqayatanak, Serviciunak, Utachäw Apnaqañ Kamani – SISUAK jupanakamp "Uñacht’ayat Juk’amp Ayllunakampir Markachirinakatak Askïk Uka Chiqanakampir Puriyañatak, Santa Cruzan 7ür Kanal Utjañapatak Amuyt’aña ukhamarak Utt’ayaña" rixintat wakiyäwirjam phuqhasax, aka qhipa yatiyäwwa uñt’ayapxsma; Lurañ Yatinakamp Irnaqayañawja, Lurt’äwinak Irnaqayañawja, Wakicht’äwinakamp Uñt’ayäwimp Irpañawja, Amtanak Wakichayañ, Wakiyäwinak Apnaqañ P’iqichañawja jupanakan wakt’ayatarakiwa; wakiyäwix Kunjams Luratapamp Qullqichäwipamp Jist’anti ukxatawa; ukhamrakwa yatiyataraki:


1. Nayra Luratanaka

BOLIVIA TV markan uñacht’ayir empresapax, 2009 maran willka kuti phaxsit 28 urükipanx, Suyu Irnaqayatanak, Serviciunak, Utachäw Apnaqañ Kamani ukampiw Qullqi Churañ Purap Amta rixintawiyi, ukampist “Desarrollo de las Telecomunicaciones y Tecnologías de la Información en Áreas de Interés Social” wakichäwin jan kutt’ayañ qullqip laqak katuqañatakiw amtata, "Uñacht’ayat Juk’amp Ayllunakampir Markachirinakatak Askïk Uka Chiqanakampir Puriyañatak, Santa Cruzan 7ür Kanal Utjañapatak Amuyt’aña ukhamarak Utt’ayaña" uka wakiyäw sarantayañataki.

2009 maran jallu qallta phaxsit 30 urunak saraqkipanx, Empresa Estatal de Televisión BOLIVIA TVx Suyu Irnaqayatanak, Serviciunak, Utachäw Apnaqañ Kamaninkirinakampiw Qullqi Churañ Purap Amtar yapxatir 1ïr jakhuni Phuqhacht’äw rixinti, ukampix PURAP AMTAn Tunka Payanïr Clausulapwa mayjt’ayataraki, ukhamat uka amtäwix 2010 maran willka kuti phaxsit 31 urunak saraqkan ukakam sarantañapataki.

2010 maran willka kuti phaxsit 30 urunakäkipanx, Suyu Irnaqayatanak, Serviciunak, Utachäw Apnaqañ Kamanimp Empresa Estatal de Televisión BOLIVIA TVmpix Qullqi Churañ Purap Amtar yapxatir 2ïr jakhuni Phuqhacht’äw rixintapxi, ukampix PURAP AMTAr yapxatir 1ïr jakhuni Phuqhacht’äwin Suxtïr Clausulapwa mayjt’ayataraki, ukhamat uka amtäwix 2010 maran jallu qallta phaxsit 31 urunak saraqkan ukakam sarantañapataki.

2010 maran lapaka phaxsit 22 urükipanx, Suyu Irnaqayatanak, Serviciunak, Utachäw Apnaqañ Kamanimp Empresa Estatal de Televisión BOLIVIA TVmpix Qullqi Churañ Purap Amtar yapxatir 3ïr jakhuni Phuqhacht’äw rixintapxi, ukampix Purap Amtan Kimsaqallqür Clausulaparuw e) qillqani amuy yapt’apxi, uka qillqatast akhamawa:

e) La Administración y uso de los recursos generados en la ejecución del PROYECTO, emergentes de multas u otras sanciones, estarán a cargo de BOLIVIA TV, quedando bajo su plena responsabilidad la adecuada utilización de los mismos en el Proyecto, en aplicación de lo previsto en la normativa vigente.

2010 maran jallu qallta phaxsit 30 urunak saraqkipanx, BOLIVIA TV ukax Qullqi Churañ Purap Amtar yapxatir 4ïr jakhuni Phuqhacht’äw Suyu Irnaqayatanak, Serviciunak, Utachäw Apnaqañ Kamanimp rixinti, ukampix panpachaniw 2ïr Phuqhacht’äwin Pusïr Clausulap mayjt’ayapxi, ukhamat Purap Amtax 2011 maran mara t’aqa phaxsit 30 urunak saraqk ukjakam tukuyañapataki.

2011 maran mara t’aqa phaxsit 29 urunak saraqkipanx, Suyu Irnaqayatanak, Serviciunak, Utachäw Apnaqañ Kamanimp Empresa Estatal de Televisión BOLIVIA TVmpix Qullqi Churañ Purap Amtar yapt’ir 5ïr jakhuni Phuqhacht’äwwa rixintawiyapxi, ukampix panpachaniw 4ïr Phuqhacht’äwin Pusïr Clausulap mayjt’ayapxi, ukhamat Purap Amtax 2011 maran jallu qallta phaxsit 31 urunak saraqk ukjakam tukuyañapataki; ukürkamax, Santa Cruzanx, BOLIVIA TV 7ür Kanalax sarantañapawa ukhamarak uñacht’ayatapas jan khuchhuqtas mistuñapa, ukhamarus BOLIVIA TVx Purap Amtampin Phuqhacht’äwinakampin uskut lurañanakapw taqpach phuqhañapa.

6ïr Phuqhacht’äwix Purap Amtan Paqallqür Clausulapan 3ïr amuyupw akham sasin mayjt’ayi: “Una última transferencia, equivalente al 10% restante del monto total de financiamiento, previa verificación de la contratación de los bienes y servicios del Proyecto y contra entrega, por parte de BOLIVIA TV, de los Contratos suscritos con los proveedores de acuerdo a los ítems de la estructura de financiamiento establecidos en el Convenio...”, uka pachprakw yaqha mayt’äwinaks lurt’araki.

2012 maran mara t’aqa phaxsit 29 urunakäkipanx, Suyu Irnaqayatanak, Serviciunak, Utachäw Apnaqañ Kamanimp rixintat Purap Amtatakiw 7ür Phuqhacht’äw rixintatänxa; ukampix Kimsaqallqür Clausulamp Tunka Payan Clausulan e) qillqani amuyupampiw akham mayjt’ayatäna:

Kimsaqallqür Clausula:

“e) La administración y uso de los recursos generados en la ejecución del PROYECTO emergentes de multas y otras sanciones y ahorros, estarán a cargo de BOLIVIA TV, quedando bajo su plena responsabilidad la adecuada utilización de los mismos en el PROYECTO, en aplicación de lo previsto en la normativa vigente”.

Tunka Payanïr Clausula.- (Amtan jakäwipa): “Tanto la ejecución del PROYECTO, en su totalidad, como la presentación de los resultados de la auditoría externa al PROYECTO, a cargo de BOLIVIA TV, deberán realizarse dentro del segundo semestre de la gestión 2012”.

2012 maran lapaka phaxsit 16 urunak saraqkipanx, BOLIVIA TV ukax CITE: GCIA. GRAL. No 834/2012 qillqatamp DPP No. 108/2012 yatiyäwimp SISUAK uksar apayi, ukanx kunjams amtax lurasi, uñakipirinak achikt’añax kunjamäskisa ukanakxatw yatiyi ukhamarakiw mä waruqat laphinakani panksa yatiyäwinakapar yapt’i, uka laphinakax kunjams wakiyäw phuqhañatakix achikt’äwinakamp alañ jaysäwinakamp lurasi ukrakwa uñacht’ayapxi. Ukham lurasax, janir katuqatäk uka 10% amtäwin qullqipw churanipxañap mayi.

2012 maran jallu qallta phaxsit 12 urükipanx, Jayar Yatiyasiñanak Apnaqir Arkir Kamani uksatx CITE: VMTEL/DESP. No 752/2012 qillqataw katuqatäna, ukamp chikax VMTEL/DGSTEL No 254/2012 yatiyäwis katuqatarakiwa, uka taypinst DPP No. 108/2012 yatiyäwir k’umitanakaw utji ukhamarakiw qhanancht’añ yapt’añ iwxanakasa.

Maysa tuqutx, 2012 maran jallu qallta phaxsit 19 urunak saraqakipanx, JYAAK uksatx VMTEL/DESP. No 772/2012 qillqataw katuqatäna, ukanst Suyu Irnaqayatanak, Serviciunak, Utachäw Apnaqañ Kamanimp BOLIVIA TVmp kunjams Purap Amtäw phuqhapx ukxatw yatiyasirakïna; ukjamatx –kamisti 2012 maran mara t’aqa phaxsit 29 urükipan rixintat 7ür Phuqhacht’äwin siski ukhamarjamaw amtäwin pachanakapax phuqhatäñap– sarakiwa, Purap Amtan Tunka Payan Clausulap mayjt’ayatarjama.

14/02/2013 urunx, GCIA. TECN. Nº 0128/2013 Yatiyañ Laphiw apsutänxa, ukanx Hoja de Ruta 19111(Santa Cruz Wakiyäw Jist’antañatak Yatiyäwi) ukaruw akham sasin jaysatänxa:

“A la presente comunicación interna se adjunta una copia del informe técnico GCIA. TEC. CITE: Nº 156/11 del Ing. Rubén Márquez en el que se detalla los trabajos realizados en la Planta de Transmisión del Urubo para su puesta en funcionamiento, asimismo el detalle de la instalación concluido en los estudios de la regional Santa Cruz.”

"Uñacht’ayat Juk’amp Ayllunakampir Markachirinakatak Askïk Uka Chiqanakampir Puriyañatak, Santa Cruzan 7ür Kanal Utjañapatak Amuyt’aña ukhamarak Utt’ayaña" Wakiyäw Jist’antañ Yatiyäwxatx, GCIA. TECN. CITE: Nº 556/2013 Yatiyañ Laphiw apsutänxa, uka qillqatan tukuyäwipanx akham siwa:

“Que las instalaciones y puesta en marcha del Proyecto “Diseño e Implementación de canal 7 Regional Santa Cruz, para la Ampliación de Cobertura a Zonas Rurales y de Interés Social”, han sido concluidos en todo lo que compete a la Gerencia Técnica como Unidad solicitante de la mayoría de los activos del presente proyecto.”


2. WAKIYÄWIN AMTANAKAPA

2.1. JACH’A AMTA

Santa Cruz departamentunkir taqpach ayllunakampitak markachirinakatak askïk uka chiqanakampitak “BOLIVIA TV” 7ür Kanalan apsutap uñacht’ayaña; uka chiqanakatakjam lurt’at wakichäwinakampi, taqpach ch’umi uraqin saräwinakaparjama, yatiyäwinakax taqpachanitak utjañapataki ukhamarak sapa markan saräwip ch’amancht’añatakisa.

2.2. JISK’A AMTANAKA

  • Jist’arat uxinakamp k’ullk’u uxinakamp jaqsur yänak jikxataña, Santa Cruz departamentutpachs uka jak’anakankir departamentunakatpachs chiqak uñacht’äw jaqsuñataki, niy taqpach Bolivia uraqpachar uñacht’äw puriyasa.

  • Santa Cruz departamento ayllunakankk ukhamarak jach’a markanakankk uka antenanakan ch’amanakapamp mä sistema irradiante amuyt’aña ukhamarak utt’ayaña.

  • Juk’amppachas ayllunakar, 7ür Kanalan uñacht’ayatapax suma qhan mistkir lakiratäñapatak digital yänak utt’ayaña, sum uñacht’ayatanakamp ist’ayatanakamp apsuñatak ukhamarak yatiyañataki.

  • Santa Cruz departamentun jakasipk jupanakan saräwinakaparjam ukhamarak thakhinakaparjam, pachpa chiqanx, jiwasan lurat wakicht’äwinak amuyt’aña ukhamarak lurt’aña; markan luratanakapamp yatichäwinakamp ukhamarak saräwinakamp uñacht’ayasa.


3. WAKIYÄWIN JAKÄWIPA

Kunjamti taqpach wakiyäwir lurat mayjt’ayatanakamp jayapstayatanakamp sapk ukhamarjamax, amtäwix 28/07/2009 ukjat 21/05/2013 ukjakamaw jakawiyi.


Santa Cruz Wakiyäw Apaqaña