K'umar Jakañ Uñjir Kamanax hemodiálisis utwa Wiyachan luqtawiyi

Imagen

Wiyacha Qullañ Utan akham luqtawiyapxi

Mama Gabriela Montañox mä machaq hemodiálisis utwa Wiyacha Qullañ Utan luqtawiyi, jupax K’umar Jakañ Uñjir Kamanarakiwa. 2,3 waranq waranq bolivianot jilampiw utachayapxatayna.

“Evo Morales Jilïr Irpirix inak hemodiálisis markasan utjañap amtawiyi, municipionakana, provincianakana. Jayan jakasirinakax provinciapan uñjayasipxarakispawa” sasaw mama Montañox arsuwiyi.

Jupa mama irpirix janiw uka utak luqtawaykiti, hemodiálisis lurañ pä makinamp uma q’umachañamp qunuñanakamp 64 usutar qullañatak luqtawiyaraki.

Pusi kast qullamp kunw churawiyi, k’allk’u qullanakamp uñt’at qullanakamp heparina sódicamp eritropoyetinamp jirumpi, 117.003 bolivianompiw ukx alapxatayna ukhamarakiw creatininampit proteinuriampit markachirinakan yatxatapxañapatakis qullanakax churasiwiyi.

Uka pachparakiw, markasan qullatatx jan payachasipxamti sasin markachirinakax iwxt’awiyi.

“Janiw sinti jan walt’añkamax suykañäniti, Inak Qullañ Amtamp (SUS) qullayasiñatak qillqantayasipxam. Inak qulliriw utjani, jan usuntañatakiw janir usuntkas uñjapxätam” sasaw arsuwiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156