Inak Qullañ Wakichäw ch'amachañatakix qhathunakaw jutir phaxsix luratäni sasaw sawiyapxi

Imagen

Markaspachanw qhathunakax utjani / Jamuqa: K'umar Jakañ Uñjir Kamanan uñt'ayata

Jutir phaxsix qhathunakaw Inak Qullañ Wakichäw ch’amachañatakix markaspachan luratäni sasaw jichhürux mama Betty Yañiquex yatiyawiyi, jupax Movimiento Al Socialismo (MAS) kamach luririrakiwa.

“Kunayman chiqanw k’umar jakañ qhathunakax pachpa uru utjani. Ukax jan usuntañatak yatichañatakïniwa ukhamarakiw markachirinakar amuyt’ayañatakisa, jupanakaw inak qullayasipxani” sasaw yatiyirinakar sawiyi.

Mama Yañiquex MAS kamach luririnakan irpirinakapamp chikaw Evo Morales Jilïr Irpirimp tantachasini. Jupanakax kunjamas Inak Qullañ Wakichäwix sarantaski ukxatw aruskipapxi.

k’umar jakañ qhathunakanx markachirinakaruw qullirinakamp uñjayasipxañapatak amuyt’ayatäni sasaw jupax sawiyi.

“Markachirinakan amuyupaw mayjt’ayaña, pä kutiw mä maranxa, k’umarjamäpki jupanakaw jan usuntañatak aka qullañ utanakar sarapxañapa” sawiyiwa.

Jilïr Irpirimp K’umar Jakañ Uñjir Kamanampix alcaldenakamp gobernadoranakampiw Inak Qullañ Wakichäwimp markachirinakar yanapañxat aruskipt’añatak tantachasiñ munapxi sasaw arsuwiyi.

Ukhamarus, yaqhip departamento irpirinakax janiw ukham lurañ munapkiti, markachirinakaw inak qullañ wakichäw ch’amachapxañapatak jupanakar mun jan mun lurayapxani sasaw sawiyi.

Aka phaxsi qalltaw Inak Qullañ Wakichäwix sarantayasiwiyi, 300 usunakatw markachirinakarux qullasini, khithinakati jan seguronïpki jupanakaru, yamakis 200 waranq waranq dolaraw uka wakichäw sarantayañatakix utji./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156