Jilïr Irpirix 119 waranq waranq dolaraw Villazónarux tantiy qullañ uta lurañatak thakhinak askichañatak churatäni sasaw sawiyi

Imagen

Morales Jilïr Irpirix qullañ utaw Villazónan lurayatäni sasaw sawiyi / Jamuqa: Diputadonakan uñt'ayata

Evo Morales Jilïr Irpirix 119 waranq waranq dolaraw Villazónan mä tantiy qullañ uta lurañatak ukhamarak thakhinak askichañatak churatäni sasaw sawiyi, uka markax P’utuxsinw jikxatasi.

“Masisax, jilata gobernadorax yatiyawayxiwa. 105 waranq waranq dolaraw Villazónan mä tantiy qullañ uta lurañatakix utjani. Irnaqayirinakaw jawillt’as katuqatäni, wakiski ukhamarjamaw phuqhaña” sasaw tata Moralesax arsuwiyi.

Jilïr Irpirix uka qullqimpix qullañ utatakix yänakax alatarakïniwa sasaw uka Argentina jak’a municipionkkasax sawiyi.

Uka pachparakiw, Villazónatakix “14 waranq waranq bolivianow utji, ukax thakhinak lusa qalanakamp askichañatakiwa” sasaw arsuwiyi, ukatw irpirinakarux yatiqañ uta jak’an jikxatasipki uka thakhinak nayraqat askichayañ mayiwiyi.

“Argentina qurpanktanwa. Yatitäk ukhamarjamax suma markjamaw qurpanakan uñt’ayasiñaa. Aka marax 14 waranq waranq bolivian qullq Villazónan thakhinak askichasiñapatak churañ amtawiyapxtha” sawiyiwa.

Yaqhx, kimsa yatiqañ utampiw utachatäni, 3 waranq waranq bolivianox uman tuyuñawj lurañatak aka municipior churasiwiyi sasaw qhanancht’awiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156