Bolivia qullirinakax janiw irnaqañ sayt'xapxaniti, irnaqañ qalltxasipkiwa

Imagen

Qullirix qullaskiwa (Jamuqa: Llika)

Janiw irnaqañax sayt’asxaniti, lakan phaxsit 19 uru saraqkipanw irnaqañ sayt’awiyapxi, jichhüruw markaspachan qullañax qalltatäxani sasaw tata Erwin Viruezax jichhür yatiyawiyi, jupax Bolivia qullirinakan irpiriparakiwa.

“Markachirinakax mayamp mark apnaqasxapxiwa, jichhax llamp’uchasiñän sasaw sapxtha, chikärmatpach lapaka phaxsit 13 uru saraqkipanx Bolivia markan askipatak mayamp qullañ qalltatäni” sasaw yatiyirinakar sawiyi.

Bolivia Qullirinakax lakan phaxsit 19 uru saraqkipanw Irnaqañ Kamach mayjt’ayapxam sasin irnaqañ sayt’añ qalltawiyapxi, irnaqirinak yäpar katuqapxañap, Caja Nacional de Salud kamach jan utjxañap mayisipki.

Jutir urunakax qullqirinakan irpirinakapax marka irpirinakampiw mayitanakap uñt’ayañat tantachasiñ mayipxani sasaw tata Viruezax yatiyawiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156