1,2 waranq waranq markachiriw Inak Qullañ Wakichäwimp qullayasiñatakix qillqantayasiwiyapxi, 15.000 markachiriw irnaqañatak qillqantayasxapxaraki

Imagen

Jamuqa: K'umar Jakañ Uñjir Kamanan uñt'ayata

Mä phaxs jilanx, 1,2 waranq waranq markachiriw Inak Qullañ Wakichäwimp qullayasiñatakix qillqantayasiwayxapxi, anata phaxsi tukuykamax pä waranq waranqäxaniwa sasaw sasipki, achuqa phaxsinw inak qullañax qalltatäni.

“1.200.000 jila qillqantataw utjxi. Qillqantañ munapkayät ukat sipans juk’amp waljawa” sasaw tata Álvaro Terrazax arsuwiyi, jupax K’umar Jakañ Sullka Kamanarakiwa.

Chinuqa phaxsit 9 uru saraqkipanw qullañatakix irnaqirinakax qillqantayasiwiyi, jichhakamax 15.000 qillqantataw utjxi, jupanakampiw Inak Qullañ Wakichäwix sartayatäni, taqin uñjkataw jupanakarux qillqantasiwiyi, ukhamat jan mayj amuyañax utjkaniti, 8.000 irnaqiriw jupanak taypitx ajllitäni, jupanakampiw markachirinakarux yanapt’atäni sasaw qhanancht’awiyi.

15:000 yatxatataw (K’umar Jakañ Uñjir) Kamanan llika chiqapanx qillqantayasiwayxapxi” sawiyiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156