Juana Azurduy Paylläwimpix pä waranq waranq wawan warminakampir wawanakampiruw yanapt'ata

Imagen

Juana Azurduy Paylläwimp yanapt'at wawan warmi (Jamuqa: BJA)

Juana Azurduy Paylläwimpix pä waranq waranq wawan warminakampir wawanakampiruw tunka maranx yanapt’awiyata sasaw K’umar Jakañ Kamanankirinakax sawiyapxi.

“Ukjanir yanaptañatakix 1.255 waranq waranq bolivianow munasiwiyi” sasaw mama Natalia Camargox arsuwiyi, jupaw uka payllawimp yanapañ p’iqicht’askaraki.

Jan wawan warminakamp wawanakamp jiwapxañapatakiw uka paylläwx uñstayawiyapxi, yamakis phisqha maranit sullka wawanakan suma ch’amacht’at jakasipxañapatakiwa.

“2008 marat 2016 marakamax 52% jiwir wawanakaw juk’aqtayawiyata, pä maranit sullkanaka. Phisqha maranit sullkanak taypinx, 50% ukjarakiw jan suma ch’amachat jakasirinakax juk’aqtayawiyata” sasaw jupax arsuwiyi.

Juana Azurduy Paylläwix khithinakati jan seguronïpki uka Bolivia wawan warminakampir pä maranit sullka wawanakampiruw churata. Paylläw katuqasiñatakix qullirimpikiw wakiski ukjax uñjayasir sarañaraki./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156