K'umar Jakañ Uñjir Utankirinakax denguemp usuntatanakar uñjañatakiw kimsa departamenton yaticht'asipki

Imagen

Dengue usuninakarux kunjamas uñjaña ukxatw yaticht'asipki / Jamuqa: Nanduti

K’umar Jakañ Uñjir  Utankirinakax dengue usu katjañxat, uka usump usuntatanakar uñjañxat qullañ utanakan irnaqirinakar yaticht’awiyapxi. Denguemp usuntirinakax jilxattawiyiwa, ukatw jan markachirinakan jiwapxañapatak ukham yaticht’asipki, ukhamw mama Carla Romerox yatiyawiyi, jupaw yaticht’añ irptaskaraki.

“Anata phaxsit 20, 21 urunak saraqkipanx, sapa Departamenton K’umar Jakañ Uñjir Utankirinakampiw yanapt’asipxtha. Rurrenabaque, San Borja municipionakanw yaticht’awiyapxtha, Beni departamentona. 22 uru saraqkipanx, San Buenaventura qullañ utana, Chukiyawu departamentona, ukhamarakiw Qucha Pamparux Viedma qullañ utan yaticht’awiyata” sasaw mä qillqat uñt’ayawiyapxi.

Rurrenabaque municipionx 74 irnaqiriw yatiqt’awiyapxi; jupanak taypinx usut uñjirinakamp qulla apnaqirinakampiw utjawiyi, 28 qullañ utatw kimsa municipiot puripxi, Red Ballivian sutin chiqata, Rurrenabaque, Santa Rosa, Reyes uka markanakaw ukankapxi sasaw mama Romerox arsuwiyi.

San Borjanx, 109 irnaqiriw puripxi, 15 qullañ utax utjki ukanakata, Quiquibey, Palmar, Yucumo chiqanakan utjki uka qullañ utanakata sasaw sawiyi.

“San Buenaventuranx 29 irnaqiriw puripxi, municipio qullañ utata, qullirinakamp usut uñjirinakamp qulla apnaqirinakampiw puripxi” sasaw sawiyi.

Qucha Pampanx, Viedma qullañ utanw yaticht’añatak pä tamamp tantachasiwiyapxtha, mä tamampix alwata yaqha tamampix jayp’u, 168 irnaqiriw puripxi, jupanak taypinx qullirinakamp usut uñjirinakamp qulla apnaqirinakampiw Qucha Pampampit yaqha municipionakampit puripxi.

K’umar Jakañ Uñjir Utankirinakamp Dengue Qullañ Wakichäwinkirinakampiw ukham yaticht’asipktha sasaw qhananacht’awiyi./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156