Chukiyawunx 7,0 ch'aman uraq khathatix Pirwan utjawayki ukax amuyasiwiyiwa

Imagen

Pununx uraq khathatiw utjawiyi, Azangarona / Jamuqa: Screenshot

Pirwanx 7,0 ch’aman uraq khathatiw jichhür qhantatix utjawiyi. Uka uraq khathatix Chukiyawun amuyasiwiyarakiwa, janiw jiwatas kuna jan walt’äwis utjkiti sasaw San Calixto yatxatañ utankirinakax sawiyapxi.

Pununw Azangaro chiqan uraq khathatix uñstawiyi sasaw Pirwa markanx yatiyawiyapxi.

"Pirwanx 01/03/2019 ukjaw uraq khathatix utjawiyi, 04:50:41 ukjäkipana (uka markan pachapa), 7,0 ch’amaniwa, 257,4 km manqhat uñstani. Aka uraq khathatix janiw ancha ch’amamp Chukiyawun uñstawaykiti, janiw kunas jan walt’atäkiti, janiw jiwatas utjkiti” sasaw Facebookanx yatiyawiyapxi.

Chukiyawunx, Miraflores, Obrajes, Sopocachi chiqankirinakaw amuyapxtwa sasaw Facebookanx sawiyapxi, llakt’asiwiyapxiwa./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156