Capinotanx qarpañatakiw irnaqat luqtawiyapxi

Imagen

Irpirinakax Capinotan jikxatasipxi (Jamuqa: UCP)

Evo Morales Jilïr Irpirix qarpañatakiw jichhürux irnaqat Capinota markan luqtawiyi, Qucha Pampana. 148 utjäwinkiriruw ukampix yanapt’ata, 3.618.685 bolivianompiw irnaqayapxatayna. Uka chiqarux yamakis tata José Luis Rodriguez Zapaterow puriwiyi, jupax Ispaña nayra irpirirakiwa.

Tata Moralesax servicio básiconakax janiw yaqha jaqinakan qullqichasiñapatakïkaspati, markachirinakan askipatak arxatatäñapawa, ukhamw Mayacht’at Markanakan Tamapanx amtawiyapxi, qarpasax janiw manq’at pist’añax utjkaniti sasaw arskasax sawiyi.

Nayra maranakax (1987 marat 2005 marakama) Qucha Pamparux 156 waranq waranq bolivianokiw qarpañatak churawiyatäna. Jichhax 2006 marat 2019 marakamax 2.133 waranq waranq bolivianow qarpañatakix churawiyata” sasaw Jilïr Irpirix arsuwiyi.

229 hectáreaw qarpatäni. Tunqump ch’uxña achunakamp muxsa achunakampiw Charamoco, Monte, Calicanto, Ucuchi markanakan yapuchatäni.

3.618.685 bolivianompiw irnaqayapxatayna, 80% ukjxa (2.894.948 waranqa) Pachamama Arxatañ Kamanankirinakaw churapxatayna, 10% ukjx 3ïr Qarpañaja wakichäwiw churatayna, Qucha Pampa irpirinakax 10% ukja, Capinota alcaldíarak 10% ukja./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156