Paolo Lumia ñanqhachir qullanak apnaqir Italia jaqiruw Qucha Pampan katuntawiyapxi

Imagen

Paolo Lumia, Italiankir jaqirux Qucha Pampan katuntawiyapxi (Jamuqa: BTV)

Paolo Lumiaruw katuntawiyapxtha, jupax Italiatawa, ñanchachir qullanak apnaqiriwa, Colombiankirinakampiw yanapkipasiñ yati, ñanqhachir qullanak apnaqirinakar katjir jach’unakasamp (FELCN) Italia jach’unakampiw yanapt’asis katuntawiyapxi sasaw tata Carlos Romerox arsuwiyi, jupax Marka Apnaqañ Kamanarakiwa.

“Jupax jan walinak lurañ yatipinitaynawa, ukhamaw yatiyäwix utji. Italianx jan wali jaqinakamp sarnaqatapat ukhamarak ñanqhachir qullanak apnaqatapatw juchachapxatayna. Boliviarux k’arisisaw Brasilat mantanitayna, Corumbäma, Carlos Suárez Romero satätwa, Venezuelankirïtwa sasaw yatiyatayna” sasaw jupa tata irpirix arsuwiyi.

Uka jaqimp chikax Ramiro Colqueruw Qala Qalan katuntawiyata, Qucha Pampana, jupax Boliviatawa.

“Juparux yaqhanakaw sutip mayt’añ yatipxatayna, tunkanit jilawa, ukham yatxatatawa. Jupanakax Italiat apanit qullq katuqasipxäna. Yaqha markankir jach’unakamp yanapkipt’asis yatxatatakïskaniwa” sasaw tata Maximiliano Dávilax arsuwiyi, jupax FELCN irpirirakiwa.

Lumiarux anata phaxsitpach aka marax thaqhasipkäna. Jupax Trapanitw chhaqhtanitayna, uka markax Sicilia uraqin jikxatasi, ukanw mutuskäna./RAR


Warning: mysql_num_rows() expects parameter 1 to be resource, boolean given in /var/www/html/aymara/otro.php on line 156